पाकिस्तानी क्रिकेट टिमका पूर्वकप्तान अलराउन्डर शाहिद अफ्रिदीले एभरेस्ट प्रिमियर लिग(ईपीएल) खेल्ने हुनुभएको छ । चौथो संस्करणको ईपीएलमा उहाँले काठमाडौं किंग्स इलाभेनबाट खेल्ने बताइएको छ ।
आज काठमाडौंमा आयोजित पत्रकार सम्मेलनमा काठमाडौं किंग्सले विदेशी खेलाडीका रुपमा शाहिद अफ्रिदीलाई अनुबन्ध गरेको जानकारी दिएका हो । नेपाली लिग खेल्न आउने विदेशी खेलाडीमध्ये अफ्रिदी सबैभन्दा चर्चित र सफल खेलाडी हुन् ।
अफ्रिदीले पाकिस्तानबाट २७ टेस्ट, ३ सय ९८ एकदिवसीय र ९९ ट्वान्टी–२० अन्तर्राष्ट्रिय खेल खेल्नुभएको छ। सन् १९९६ मा केन्याविरुद्धको खेलबाट अफ्रिदीले अन्तर्राष्ट्रिय क्रिकेटमा डेब्यु गर्नुभएको थियो । चौथो संस्करणको ईपीएल असोज ९ गतेदेखि २३ सम्म त्रिवि क्रिकेट मैदानमा हुनेछ ।