मा प्रकाशित
आईसीसी विश्वकप क्रिकेट लिग–२ अन्तर्गतको त्रिकोणात्मक एकदिवसीय अन्र्तराष्ट्रिय शृङ्खलामा नेपालले आज अमेरिकासँग प्रतिस्पर्धा गर्दैछ । नेपाल र अमेरिकाबीचको खेल दिउँसो ४ बजेर १५ मिनेटमा सुरु हुनेछ ।
पहिलो खेलमा अमेरिकालाई ५ विकेटले हराएको नेपाल उच्च मनोबलका साथ आज मैदानमा उत्रनेछ । लिग–२ मा नेपाल ६ खेलमा ६ अङ्क जोडेर छैटौँ स्थानमा रहेको छ । अमेरिका १४ खेलमा १२ अङ्क जोडेर दोस्रो स्थानमा रहेको छ ।
ओमान १२ खेलमा २० अङ्क जोडेर शीर्ष स्थानमा रहेको छ । लिग–२ विश्वकप छनोटको एक रुप हो । सात टोली रहेको लिग–२ मा एक टोलीले ९ सिरिजसहित कुल ३६ खेल खेल्नेछन् ।
